Febrúar

Fyrsta vikan í febrúar er orðin fullbókuð, en restin af febrúar er laus.

 

Arna

Nýtt ár

Gleðilegt ár!

Það er búið að vera nóg að gera í desember en nú er aðeins að róast og ég get tekið að mér ný verkefni. Það er alltaf pláss fyrir smávægilegar breytingar og viðgerðir. 

 

Bless í bili.

Jólatörn

Ég er að klára að skipuleggja vinnuna fram að jólum og hef ennþá pláss fyrir nokkur verkefni. Endilega sendið mér mail ef þið viljið komast að fyrir jól.

Arna

Ný vinnustofa

Ég var að flytja burt úr vinnustofunni í Skipholti og er í rólegheitunum að koma mér fyrir í kjallaranum hjá Kormáki og Skildi í Kjörgarði. Ég geri ráð fyrir að geta byrjað að vinna þar á fullu á næstu dögum og er byrjuð að taka að mér ný verkefni...

Meira saum.

Sæl veriði.
Ég er enn að sauma og get tekið að mér fleiri verkefni. Mæli með því að senda mér fyrirspurnir í tölvupósti á [e-mail] eða bara hringja í mig.

Já, Gunnar Guðjónsson, ég get prjónað lopapeysu. Sendu mér línu.

A

Komin heim

Ég er komin heim úr starfsnáminu og er byrjuð að taka að mér ný verkefni. Endilega látið það berast.

Arna

London

Jæja, ég er að fara til London og saumastofan verður því lokuð þar til í byrjun október.

Takk fyrir frábærar móttökur.

Arna.

París

Það lítur allt út fyrir að ég sé að fara til Parísar í nokkra mánuði. Ég vil því nýta tækifærið áður en ég fer til að hvetja alla sem þetta lesa til að mæta til mín með öll fötin sem þið eruð búin að vera á leiðinni með í viðgerð í langan langan tíma og láta mig gera við fyrir sérlega sanngjarnt fé. Dæmi um slíkar viðgerðir gæti verið:
*laga saumsprettur
*lita föt
*stytta buxur
*þrengja
*...

Koma svo!

uppáhalds..

Það kom kona í heimsókn í stúdíóið til mín í gær með uppáhalds vinnukjólinn sinn og bað mig um að gera annan eins. Það ferli fer þannig fram að hún kemur með kjólinn og ég tek upp sniðið og sauma hann í ódýrt léreft. Síðan kemur frúin aftur í heimsókn og mátar léreftskjólinn. Þá get ég gert allar þær sníðabreytingar sem mér finnst þurfa til að nýi kjóllinn verði ennþá betri en gamli uppáhalds.

Ég skal setja inn myndir þegar kjóllinn er tilbúinn...

Stay tuned.

útskriftarkjóll...

Er ekki að koma útskriftar-season? Ég gerði þennan kjól fyrir eina útskrift í fyrra. Sú stúdína hafði smá hugmyndir um hvernig kjól hún vildi og svo unnum við að þessum í sameiningu. Hafðu samband ef þig langar í útskriftarkjól.. 

ps. ég geri mér grein fyrir að hæfileikar mínir liggja ekki í myndvinnslu...